Yanvarın 25-də Park Bulvar AVM-nin 4-cü qatındakı "Hayal Kahvesi Baku" zalında "Top Model Azerbaijan" müsabiqəsinin rəsmi Final gecəsi keçirilib.
Bu barədə xəbər verir ki, yüzlərlə tamaşaçı qarşısında podiuma çıxan gənclərin cəsarətli çıxışları böyük marağa səbəb olub.
Tanınmış simaların münsif olduğu yarışmada 20-dək xanım, 30-a yaxın bəy iştirakçı qatılıb, həm idman geyimində, həm də rəsmi qiyafədə təqdimatlarını ediblər. İki saatlıq möhtəşəm təqdimatdan sonra münsiflər nəticələri hesablayıb, qalibləri seçiblər.
Budəfəki yarışmanın qalibləri sırasında İkinci Qarabağ nüharibəsinin şəhidi, Xüsusi Təyinatlı, “Rəşadət” ordenli Əli Nuru oğlu Rzalının qardaşı Elmir Rzalı da var.
Xüsusi istedada və səhnə performansına sahib olan Elmir Rzalı Azərbaycan Əmək və Sosial Münasibətlər Akademiyasının 3-cü kurs tələbəsidir və sosial iş ixtisası üzrə təhsil alır.
O, təhsilini uğurla davam etdirməklə yanaşı, ictimai işlərdə də fəal iştirak edir, ədəbi-bədii gecələrdə özünəməxsus təqdimatları ilə seçilir. Onun Vətən Müharibəsindəki döyüşləri əks etdirən tamaşada oynadığı rol da zaldakıları təsirləndirmişdi.
