Oktyabrın 7-dən oktyabrın 11-dək Qazaxıstanın Almatı şəhərində obyektlərin mərkəzi istilik sisteminə qoşulması planlaşdırılır.
İstilik ilk növbədə sosial müəssisələrə, uşaq bağçalarına, məktəblərə və tibbi-sosial obyektlərə veriləcək.
Şəhər rəhbərliyindən verilən məlumata görə, hazırda istilik mövsümünə hazırlıq 99 faizdir.
"Bu il istilik mövsümünə hazırlıq çərçivəsində şəhərin 6 rayonunda 20 kilometr istilik şəbəkəsi yenidən qurulub. Mütəxəssislər şəbəkələrin sınaqlarını və təmirini uğurla başa çatdırıb, həmçinin nasos avadanlıqlarını modernləşdiriblər. Ümumilikdə, 69 nasos stansiyası və 24 anbar çəni hazırlanıb ki, bu da isti su təchizatı şəbəkəsində pik yükü düzəltməyə kömək edəcək”, - deyə qeyd olunub.
"2024-2025-ci illərin istilik mövsümündə dəyən ziyanın operativ aradan qaldırılması üçün material və avadanlıq ehtiyatı formalaşdırılıb. Fövqəladə hallar zamanı 220 nəfərdən və 56 texnikadan ibarət 16 qəza-təmir briqadası cəlb olunacaq. Ümumi şəxsi heyəti 714 nəfər olan 33 obyektdən 7 əməliyyat sahəsi də istismara hazırdır", - məlumatda deyilir.
Almatıda istilik mövsümü adətən oktyabrın 15-də, açıq havada orta gündəlik temperaturun 5 gün ərzində +8 dərəcəyə və ya daha aşağı düşdüyü vaxt başlayır. Bundan sonra yerli icra orqanları istilik mövsümünün başlanması ilə bağlı qərar qəbul edirlər. Ötən il oktyabrın 10-dan istilik verilişinə başlanılıb.
“İstilik mövsümünün başlanması barədə enerji ötürücü təşkilat tərəfindən istehlakçılara məlumat veriləcək, qəza və xidmət orqanları istilik qurğularına istilik qoşulması ilə bağlı təlimatlar alacaqlar”, - şəhər rəhbərliyi açıqlayıb.
