Sentyabrın 1-də Azərbaycanda növbədənkənar parlament seçkiləri keçiriləcək.
Azərbaycanın bu səsvermədə ən yaşlı seçicisi Əzizova Tamam Əli qızıdır.
O, 1890-cı il təvəllüdlüdür. Tamam Əzizova 78 saylı Lənkəran kənd seçki dairəsində qeydiyyatdadır. O, Lənkəranın Digah kəndində yaşayır.
Azərbaycanda ən yaşlı kişi seçicinin isə 109 yaşı var. O, 1915-ci il təvəllüdlü İbrahimov Hilal İsa oğludur. Həmin seçicinin adı 29 saylı Sabunçu dördüncü seçki dairəsinin 37 saylı məntəqə seçki komissiyasının seçici siyahısındadır.
