![MİQ imtahanlarına buraxılan müəllimlərə XƏBƏRDARLIQ OLUNDU](https://files.modern.az/photo/orginal/2024/06/27/1719475758_mm.jpg)
Elm və Təhsil Nazirliyinin məlumatına görə, test imtahanları 2-10 iyul tarixlərində ölkənin 18 şəhəri olmaqla 39 imtahan mərkəzində təşkil olunacaq.
Test imtahanları ilə bağlı məlumat namizədlərin şəxsi səhifələrinə göndərilib. Namizədlər şəxsi səhifələrinə daxil olaraq imtahanların keçiriləcəyi tarix və məkanla tanış ola bilirlər.
MİQ-ə buraxılan namizədlərə imtahan yerinə vaxtında gəlmələri üçün xəbərdarlıq olunub.
“Qeydiyyat prosesinə gecikən namizədlər imtahan zalına buraxılmayacaq. İmtahana gələrkən aşağıdakı sənədləri özünüzlə gətirməyiniz tələb olunur:
şəxsiyyəti təsdiq edən sənəd (əcnəbilər və vətəndaşlığı olmayan şəxslər isə Dövlət Miqrasiya Xidməti tərəfindən verilmiş icazə vəsiqəsini);
şəxsi səhifənizdə test imtahanı mərhələsində iştirak edəcəyiniz imtahan tarixi, saatı və məkanının qeyd olunduğu hissədən çıxarış.
Diqqət! Şəxsi səhifədə qeyd olunan imtahan tarixindən əvvəl və ya sonrakı imtahan seanslarında iştirak etmək imkan xaricindədir. Şəxsi səhifədə qeyd olunmuş məkandan fərqli imtahan mərkəzlərində keçirilən imtahanlarda iştirak etmək imkan xaricindədir”, - deyə xəbərdarlıqda vurğulanıb.