Azərbaycan Prezidenti İlham Əliyev may ayında bir çox görüşlər keçirib, ölkəmizə səfər edən xarici ölkələrin liderləri ilə görüşüb, Qarabağda açılışlar və təməlqoyma mərasimləri edib.
Dövlətimizin başçısının may ayındakı fəaliyyətini təqdim edir:
May ayının ilk günü İlham Əliyev VI Ümumdünya Mədəniyyətlərarası Dialoq Forumunun açılış mərasimində iştirak edib. Dövlət başçısı çıxışında dünyadakı münaqişələrdən, Azərbaycandakı mədəniyyətlərarası dialoqdan, Bakıda keçiriləcək COP29-dan danışıb. Mərasimdən sonra Prezident İlham Əliyev forumda iştirak edən qonaqlarla görüşüb.
