350-yə yaxın mütəxəssisin iştirak etdiyi konqresin açılış mərasimində Azərbaycan Daxili Xəstəliklər Dərnəyinin təsisçisi və sədri, Yeni Klinikanın direktoru Barat Yusubov, Milli Məclisin Səhiyyə Komitəsinin sədr müavini, Millət vəkili Rəşad Mahmudov, Səhiyyə Nazirliyinin Səhiyyə siyasəti şöbəsinin müdiri Ramik Quliyev, TƏBiB-in İcraçı direktorunun müavini Araz Nəsirov və Avropa Daxili Xəstəliklər Cəmiyyətinin prezidenti Ricardo Gomez Huelgas çıxış edib.
Konqresin əsas məqsədi daxili xəstəliklər sahəsində müasir yenilikləri müzakirə etmək, təcrübə mübadiləsi aparmaq və tibb mütəxəssislərini bir araya gətirməkdir.
Tədbir çərçivəsində yerli və beynəlxalq ekspertlərin təqdimatları, interaktiv sessiyalar aparılıb.
Qeyd edək ki, konqresdə - 15 sessiya ərzində müxtəlif həkim-mütəxəssislər tərəfindən 47 mövzu üzrə müzakirələr aparılıb.
