
"RegionTV.info" xəbər verir ki, bu barədə AZƏRTAC-a muzeydən məlumat verilib.
Bildirilib ki, V.Quliyev 1997-ci ildə Culfa rayonunun Qazançı kəndində anadan olub. Heydər Əliyev adına Hərbi Liseydə və Heydər Əliyev adına Azərbaycan Ali Hərbi Məktəbində təhsil alıb.
Leytenant Vəli Quliyev 2020-ci il sentyabrın 27-də başlayan II Qarabağ müharibəsi zamanı Cəbrayıl, Füzuli, Zəngilan və Qubadlı rayonlarının azadlığı uğrunda gedən döyüşlərdə savaşıb, oktyabrın 22-də Qubadlı döyüşləri zamanı şəhid olub, Naxçıvan şəhərində dəfn edilib.
Ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” medalları ilə təltif edilib.