ƏTRAFLIwww.borjomi.com

Elm adamları arı zəhərinin və toksik xətti polipeptid melittinin müəyyən bir konsentrasiyasının xərçəng hüceyrələrinin yüzdə yüz ölümünə səbəb ola biləcəyini müəyyən ediblər.

Moderator.az  İsrail mediasına istinadla  xəbər verir ki, Qərbi Avstraliya Universitetinin alimləri belə nəticəyə gəliblər.

Mütəxəssislər bal arısı zəhərinin (“Apis mellifera”) və onun əsas komponenti olan melittinin üçqat mənfi və “HER2” pozitiv döş xərçəngi kimi şişlərin hüceyrələrinə qarşı bir silah olduğunu kəşf ediblər. Elmi işin nəticələri “Npj Precision Oncology” jurnalında dərc olunub.

Tədqiqatçılar Avropa bal arısından zəhər nümunələri toplayaraq melittinin şiş və sağlam hüceyrələrə təsirini sınayıblar. Zəhərin xərçəngli toxumalara qarşı təsirli selektiv fəaliyyət göstərdiyi və eyni zamanda normal hüceyrələrə zəif təsir göstərdiyi ortaya çıxıb. Zəhərin təsirini maneə törədən melittinlə zəhər və antikorların eyni vaxtda istifadəsi xərçəng hüceyrələrinin sağ qalma sürətini artırıb. 

Maddənin təsir mexanizmini təyin etmək üçün üçqat mənfi döş xərçəngi hüceyrələri 18 və 24 saat ərzində şiş hüceyrələrinin yüzdə 50-nə təsir  edən bir konsentrasiyada arı zəhərinə və ya təmizlənmiş melittinin təsirinə məruz qoyulub. Nəticədə zəhər “kaspaz 3” fermentlərinin parçalanmasını təşviq edib və bu, hüceyrənin proqramlaşdırılmış ölümünə (apoptoz) səbəb olub. Eyni zamanda melittin arı zəhərindən üç qat daha çox hüceyrənin ölümünə gətirib çıxarıb.  

Tədqiqat müəllifləri araşdırmalar yeni başlasa da,  bal arısı zəhərinin döş xərçəngini müalicə etmək üçün istifadə perspektivlərinin çox ümidverici olduğunu vurğulayıblar.