Ötən gecədən yağan güclü qar Bakıda nəqliyyatın hərəkətində problemlər yaradıb. RegionTV.info bildirir ki, Bakının əsas küçə və yollarına xüsusi texnika ilə qum və duz səpilsə də, şaxtalı hava şəraiti yolların yenidən buz bağlamasına səbəb olub.
Belə şəraitdə polis əməkdaşının nümunəvi hərəkəti diqqət çəkib. Belə ki, Bakı şəhər icra hakimiyyətinin qarşısındakı yolayrıcında dayanan polis əməkdaşı marketdən öz hesabına aldığı duzu yerə səpməsi diqqətdən yayınmayıb.
