16 fevral tarixində, Yaponiya hökuməti Azərbaycan və Ermənistan arasında baş vermiş silahlı toqquşmadan nəticələnən humanitar böhranla bağlı yardım qismində Azərbaycana 1.2 milyon dollar məbləğində təcili qrant ayrılması qərarı verib.Yaponiyanın Azərbaycan Respublikasındakı Səfirliyindən RegionTV.info-ya verilən məlumata görə, bu, Birləşmiş Millətlər Təşkilatının Qaçqınlar üzrə Ali Komissarlığı (UNHCR), BMT-nin Dünya Qida Proqramı (WFP) və Beynəlxalq Qırmızı Xaç Komitəsi (ICRC) tərəfindən beynəlxalq cəmiyyətə ünvanlanmış yardım müraciətinə əsaslanaraq, zərərçəkmiş və evakuasiya məkanlarının bərpası, tibb sahəsinə dəstək, yardım ləvazimatlarının təqdim olunması kimi yaşam şəraitinin yaxşılaşdırılmasına yönəlmiş qrant yardımıdır.Bu qrantda nəzərdə tutulmuş yardımlar aşağıda detallı şəkildə qeyd olunub:
- Bir qabaqcıl xəstəxanaya tibbi avadanlıqlarla bağlı yardım
- Təxmini 500 nəfərə təhlükəsiz su mənbələrinə çıxışın təmin olunması
- Təxmini 6400 nəfər üçün müvəqqəti sığınacaq yerlərinin bərpası və soyuqla mübarizə aparmaq üçün yardım ləvazimatlarının təmin olunması
- Təxmini 8000 nəfər üçün qida yardımını həyata keçirilməsi
Bundan sonra da, Azərbaycana yardımı davam etdirmək niyyətindəyik"- deyə səfirlikdən bildirilib.
