Türkiyədə zəlzələ qeydə alınıb.RegionTV.info xəbər verir ki, məlumatı ölkənin Fövqəladə Halların İdarə Olunması Agentliyi (AFAD) yayıb.
Məlumata görə, yeraltı təkanlar Afyonkarahisarda yerli vaxtla saat 00:08-də 3,9 bal gücündə qeydə alınıb. Zəlzələ ocağı 5,9 kilometr dərinlikdə yerləşib.
Qəndilli Rəsədxanası isə zəlzələnin 4 bal gücündə olduğunu bildirib.
Dağıntı və tələfat qeydə alınmayıb.
Qeyd edək ki, bu, son günlər Türkiyədə qeydə alınan növbəti zəlzələdir. Ötən həftə qonşu ölkədə bir neçə yeraltı təkan baş verib.
