Rusiya Prezidenti Vladimir Putin Azərbaycan əsilli iş adamı Qod Nisanovu mükafatlandırıb.RegionTV.info-nun xəbərinə görə, Putin fevralın 12-də “Rusiya Federasiyasının Dövlət Mükafatlarının verilməsi haqqında” fərman imzalayıb.
Fərmana əsasən, Azərbaycan əsilli iş adamı, “Kievskaya Ploşad” Şirkətlər Qrupu Müşahidə Şurasının sədri Qod Nisanov Rjevsk Sovet Əsgərinə memorial kompleks layihəsinin həyata keçirilməsindəki xidmətinə görə “Xeyirxah əməllərə görə” fərqlənmə nişanı ilə təltif olunub.
Qeyd edək ki, Vladimir Putinin müvafiq fərmanı rəsmi hüquq informasiya portalında dərc olunub.
