Futzal üzrə milli komandaların yeni dünya reytinqi açıqlanıb.RegionTV.info-nun məlumatına görə Avropa çempionatının seçmə mərhələsinin 2-ci turunda Yunanıstana 3:0 hesabı ilə qalib gələn Azərbaycan millisi xallarının sayını artırıb.
Ellada təmsilçisi üzərində qələbə yığmamıza 2 xal qazandırıb. Beləliklə, millimiz əmsalını 1415 xala çatdırıb. Lakin bu, cədvəldə irəliləmək üçün yetərli olmayıb. Joze Alesionun komandası 13-cü sırada qalıb.
Qeyd edək ki, cədvələ 1808 xala malik İspaniya başçılıq edir.
