Sabirabadda yük avtomobili qaz xəttinin üzərinə aşıb.RegionTV.info bildirir ki, hadisə Sabirabad rayonunun Xankeçən kəndində qeydə alınıb.
60 ton qarğıdalı toxumu ilə yüklənmiş "MAN" markalı, 99 XB 360 dövlət nömrə nişanlı qoşqulu yük avtomobili sərt döngədə aşıb.
Nəticədə kəndə gedən qaz xətti zədələnib və avtomobildə olan yük yerə dağılıb. Sözügedən əraziyə təbii qazın verilişi dayandırılıb.
Faktla bağlı araşdırma aparılır.
