ABŞ-ın Luiziana ştatında qaradərili polis məmuru Darel Semienin cəsədinin "Oaklin spring" qəbiristanlığında dəfn edilməyə qoyulmaması və bu məzarlığın yalnız ağdərililərə məxsus olduğunun bildirilməsi ilə ölkədə qalmaqal yaşanıb.RegionTV.info xəbər verir ki, D.Semienin həyat yoldaşı bu barədə Feysbukda paylaşım edib.
"Bunun baş verdiyinə inana bilmirəm. Həyat yoldaşımı dəfn etmək üçün yer almaq məqsədilə məzarlığa getdim. Orada tanış olduğum qadın mənə qəbiristanlığın yalnız ağdərililərə məxsus olduğunu bildirdi".
Amerika mətbuatında və sosial mediada bu məsələyə sərt reaksiya göstərilib. Müzakirədən sonra toplanan qəbiristanlıq rəhbərliyi polisin cəsədinin məzarlıqda basdırılmasına icazə verib.
