Rusiyalı internet fenomeni, sosial şəbəkələrdə "Fasoollka" təxəllüsü ilə tanınan Kseniya Quzayeva Qazaxıstandan deportasiya edilib.
Onun deportasiya edilməsinə canlı yayımlar zamanı səsləndirdiyi “təxribat xarakterli fikirlər” səbəb olub.
Belə ki, Quzayeva canlı yayım zamanı Qazaxıstanı təhqiramiz ifadə ilə “Ştrafostan” adlandırıb və Pavlodarın Rusiya şəhəri olduğunu bildirib.
Bundan başqa, onun Qazaxıstanın qadınları ilə bağlı da təhqiramiz ifadələr işlətdiyi bildirilir.
