Ukraynada döyüşlərində iştirak edən Rusiya Qəhrəmanı Naran Oçir-Qoryayev həlak olub.
Kalmıkiya əsilli baş leytenant Naran Oçir-Qoryayevin ölümü region rəhbəri Batu Hasikov tərəfindən təsdiqlənib.
Məlumata görə, Oçir-Qoryayev 2025-ci ilin dekabrında Putinin "Birbaşa xətt" proqramında bir neçə dəfə çıxış edib və Donetsk vilayətində yerləşən Seversk şəhərinin ələ keçirilməsi barədə Rusiya prezidentinə məruzə ilə yadda qalıb. Bundan sonra o, "Rusiya Qəhrəmanı" adına layiq görülüb.
Rusiya mənbələri hərbçinin döyüş tapşırığını yerinə yetirərkən həlak olduğunu bildirsələr də, ölümünün dəqiq şəraiti açıqlanmayıb.
Ukrayna mənbələri isə Oçir-Qoryayevin pilotsuz uçuş aparatlarının zərbəsi nəticəsində məhv edildiyini iddia edir. Ukrayna Silahlı Qüvvələrinin Pilotsuz Sistemlər Qüvvələrinin komandanı Robert Brovdi ("Madyar") bununla bağlı videogörüntülər yayımlayıb.
