Bakıda keçirilən Ümumdünya Şəhərsalma Forumunun 13-cü Sessiyası (WUF13) çərçivəsində Azərbaycanın Baş naziri Əli Əsədov bir sıra ölkələrin yüksək vəzifəli rəsmiləri ilə ikitərəfli görüşlər keçirib.
Bu barədə Nazirlər Kabinetindən məlumat verilib.
Bildirilib ki, Baş nazir mayın 18-də WUF13-ün açılış mərasimi çərçivəsində Esvatini Kralı III Msvati, Mavriki Prezidenti Daramber Qoxul, Gürcüstanın Baş naziri İrakli Kobaxidze, Qazaxıstanın Baş naziri Oljas Bektenov, Zimbabvenin vitse-prezidenti Konstantino Çivenqa, Ukrayna Baş nazirinin müavini Oleksiy Kuleba və Slovakiya Baş nazirinin müavini Tomaş Taraba ilə görüşüb.
Görüşlərdə qarşılıqlı əməkdaşlıq məsələləri və müxtəlif sahələr üzrə əlaqələrin inkişaf perspektivləri müzakirə olunub.
