Rusiyanın Kalininqrad şəhərində çoxmərtəbəli yaşayış binasının pəncərələri altından eyni ailənin üç üzvünün meyiti aşkar edilib.
Hadisə nəticəsində 70 yaşlı qadın, onun 41 yaşlı qızı və 3 yaşlı nəvəsinin həyatını itirdiyi müəyyən olunub.
İlkin məlumatlara görə, hadisə yerində həmçinin vida məktubu da tapılıb.
Bildirilib ki, ailə binanın doqquzuncu mərtəbəsində yerləşən kirayə mənzildə yaşayırmış. Məlumata əsasən, yaşlı qadın psixi xəstəlikdən əziyyət çəkirmiş və vida məktubunu da məhz onun yazdığı qeyd olunur.
Hadisənin dəqiq başvermə səbəbləri araşdırılır.
