Türkiyənin Qaziantep və Şanlıurfa vilayətlərində güclü külək və fırtına ciddi fəsadlara səbəb olub.
Fırtına nəticəsində Şanlıurfada 1 nəfər ölüb, bir neçə nəfər isə yüngül xəsarət alıb. Qaziantepdə isə əlverişsiz hava şəraiti ilə bağlı 23 nəfər xəsarət alıb.
Qaziantepdə baş verən fırtına zamanı Alleben dərəsi daşıb, bəzi ərazilərdə damlar uçub, Oğuzeli rayonunda isə tornado avtomobillərə ziyan vurub.
Qaziantep valiliyi bölgədə fövqəladə vəziyyət elan edib.
Fırtına nəticəsində Şahinbey, Şehitkamil, Nizip və Yavuzeli rayonlarında 39 məktəbdə yüngül ziyan qeydə alınıb.
Bu səbəbdən 4 may 2026-cı il tarixində həmin məktəblərdə dərslər 1 gün müddətinə dayandırılıb.
