Rusiya Federasiyası Dövlət Dumasının komitən rəhbəri Nina Ostanina Novokuznetsk doğum evində doqquz körpənin ölümündə anaların özlərinin günahkar olduğunu bildirən Kemerovo qubernatoru İlya Serdyukun istefasını tələb edib.
Ostanina ölkə rəhbərliyinə Kemerovo vilayətinin qubernatorunu vəzifəsindən uzaqlaşdırmaq üçün müraciət edib. Deputat Serdyukun mövqeyini tənqid edib, çünki o, ölən uşaqların ailələrinə başsağlığı vermək əvəzinə, qadınları günahlandırmağa başlayıb.
“Kemerovo vilayətinin qubernatoru İlya Serdyuk uşaqlarını itirən ailələrin dərdinə şərik olmaq əvəzinə, efirə çıxır və anaları günahlandırır. O, "pis vərdişlərdən", "doğum evinə sərxoş halda gəlməkdən" və "həkimlər tərəfindən nəzarət edilməməkdən" danışır. Və sonra ictimaiyyət qəzəbləndikdə, o, tez bir zamanda (bütün sosial media hesablarından) paylaşımı silir”, - Ostanina yazıb.
Parlament üzvünün sözlərinə görə, qubernator regional səhiyyə vəziyyətinə görə məsuliyyətdən yayınmağa çalışır. Ostanina yerli hakimiyyət orqanlarının hərəkətsizliyinə və tibb müəssisələrinin vəziyyətini izləməli olan tənzimləyici orqanların işinə diqqət çəkib.
