İstanbul Baş Prokurorluğu tərəfindən aparılan "futbolda mərc və danışılmış oyunlar" ilə bağlı istintaq davam edir.
Türkiyə KİV-nə istinadən xəbər verir ki, 14 futbolçunun öz oyunlarına mərc etdiyi, xüsusən də rəqib komandanın qalib gələcəyini proqnozlaşdırdığı müəyyən edilib.
Bundan əlavə, Qalatasaray İdman Klubunun keçmiş icraçı direktoru Erden Timur da daxil olmaqla 15 şübhəlinin şübhəli maliyyə əməliyyatlarında iştirak etdiyi müəyyən edilib.
Eyni vaxtda 11 əyalətdə reydlər keçirilib. 29 şübhəlinin ünvanlarında axtarış və müsadirə əməliyyatları aparılıb.
