Ramiz Mehdiyev kifayət qədər ağır ittihamlarda suçlanır: Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri... Məhz bu səbəbdən 87 yaşlı akademikin ömürlük həbs olunma ehtimalı var.
Milli Məclisin hüquqşünas deputatı Arzuxan Əlizadə bildirib ki, Ramiz Mehdiyevə qarşı irəli sürən ittihamlar çox ciddi məsələlərdir:
“Hətta bu cinayətlərə görə ona ömürlük həbs də verilə bilər. Onun ətrafında olan şəxslərin də məsuliyyət dərəcələri müəyyənləşdiriləcək. Kimin hara qədər fəaliyyət göstərdiyi aydınlaşacaq və buna uyğun müvafiq maddələr üzrə hökm oxunacaq".
Hüquqşünas Əkrəm Həsənov da qeyd edib ki, irəli sürülən ittihamlar sübuta yetirildiyi təqdirdə Ramiz Mehdiyev ömürlük həbs oluna bilər:
“Prezident Administrasiyasının sabiq prezidenti Ramiz Mehdiyevin Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunduğu mətbuatda geniş işıqlandırılıb. Məhz bu ittihamlar ömürlük həbs cəzasını aktuallaşdıra bilər. Əlbəttə ki, bu ittihamlar sübuta yetirildiyi təqdirdə Ramiz Mehdiyev ömürlük həbs cəzasına məhrum edilməsi mümkündür”.
