Türkiyəyə məxsus hərbi yük təyyarəsinin qəzaya uğraması ilə bağlı araşdırmalara başlanılıb.
Bu barədə Gürcüstanın Daxili İşlər Nazirliyindən (DİN) bildirilib.
Faktla bağlı istintaq Gürcüstan Cinayət Məcəlləsinin 275-ci maddəsinin 4-cü bəndi ilə aparılır. Həmin maddə hava nəqliyyatı hərəkətinin və ya istismar qaydalarının pozulması nəticəsində insan ölümünə səbəb olma hallarını nəzərdə tutur.
DİN hadisə ilə bağlı ictimaiyyətə ətraflı məlumatı mərhələli şəkildə təqdim edəcək.
