Ağdaş rayonunda ölümlə nəticələnən yol qəzası baş verib.
Hadisə rayonun Yenikənd kəndi ərazisində qeydə alınıb. “Mercedes” və “VAZ-2107” markalı avtomobillərin toqquşması nəticəsində “VAZ”-ın sürücüsü, 23 yaşlı Sərvan Hüseynov ağır xəsarətlər alıb.
Yaralı dərhal xəstəxanaya çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
