Rusiya prezidenti Vladimir Putin Çeçenistan hökumətinin başçısı Maqomed Daudova general-leytenant hərbi rütbəsinin verilməsi haqqında fərman imzalayıb.
Bu barədə Çeçenistan rəhbəri Ramzan Kadırov məlumat verib.
"Rusiya Federasiyasının Prezidenti öz sərəncamı ilə əziz qardaşım, Çeçenistan Respublikası hökumətinin sədri Maqomed Daudova general-leytenant ali hərbi rütbəsi verib. Bu əlamətdar hadisə onun Vətənin rifahı naminə uzun illər fədakar və məqsədyönlü xidmətinin tanınması kimi xidmət edir. Maqomed Xojaxmedoviç çətin və böyük yol keçib", - deyə Kadırov qeyd edib.
O vurğulayıb ki, Daudov beynəlxalq terrorizmlə mübarizədə dəfələrlə cəsarət və qətiyyət nümayiş etdirib, həm regionun, həm də bütün ölkənin təhlükəsizliyinin möhkəmləndirilməsinə töhfə verib.
