İsrail müdafiə naziri İsrael Katz İranla 12 günlük müharibədə əldə edilmiş atəşkəsdən bir ay sonra İranın Ali Rəhbəri Ayətullah Seyid Əli Xameneini təhdid edib.
"The Times of Israel"ə istinadən xəbər verir ki, Katz bu barədə İsrailin cənubundakı Ramon aviabazasına səfəri zamanı danışıb.
"Mən diktator Xameneiyə mesajımı aydın şəkildə çatdırmaq istəyirəm: İsraili təhdid etməyə davam etsəniz, bizim uzun qolumuz yenidən Tehrana və xüsusən də sizə daha böyük güclə çatacaq. Təhdid etməyin, yoxsa zərər görəcəksiniz", - Katz qeyd edib.
