Kürdəmirdə kütləvi zəhərlənmə hadisəsi baş verib.
Hadisə rayonun Cəyli kəndində qeydə alınıb.
Belə ki, kənd sakinləri qohumlarla birgə evdə yemək yedikdən sonra qəfildən onların halı pisləşib. Ümumilikdə səkkiz nəfər zəhərlənib. Onlardan ikisi uşaqdır.
Onlara ilkin tibbi yardım göstərilib. Həkimlər onların vəziyyətini orta ağır qiymətləndirirlər.
Xatırladaq ki, bir neçə gün öncə Kürdəmirin Xırdapay kəndində hərbi xidmətə yolasalma münasibətilə təşkil olunan mərasimdə 24 nəfər zəhərlənmişdi. Onlardan da altısı azyaşlı idi.
