Nazim Eynallı – Keçən il səsi ucadan çıxmışdı, indi də tüstüsü ərşə qalxıb -FotoFakt
Ötən ilin payızında Azərbaycan Avtomobil Yolları Dövlət Agentliyinin (AAYDA) 19 nömrəli “Xüsusi Təyinatlı Yol İstismarı” MMC – nin direktoru Eynallı Nazim Hüseyn oğlu ilə bağlı qalmaqal gündəmi zəbt eləmişdi. Ovaxt katibəsi iddia edirdi ki, Nazim onu iş yerində zorlayaraq cinsi əlaqədə olub, nəticədə dünyaya gələn uşağına da sahib çıxmaq istəmir.
Həmin qalmaqallı informasiya yayılandan sonra AAYDA idarə heyətinin sədri Saleh Məmmədov işçisinə heç “gözün üstə qaşın var” da demədi.
Ya Saleh müəllimin gözündə işdə zorlama normal haldır, ya da ola bilsin ki, Nazim Eynallının birbaşa vəzifəsi üzrə “xüsusi təyinatlı” fəaliyyəti cənab Sədri aşırı dərəcədə qane edir, onun tərəfdən gələn tüstüyə - qoxuya fikir vermir. Fotolardanda aydın görünür ki, Nazim Eynallının direktoru olduğu yol idarəsinin asfalt zavodundan havaya zərərli tüstü buraxılır. Özü də sutkanın hansısa qısa zaman intervalında deyil, daimi olaraq. Xatırladaq ki, idarə Şamaxı və yaxın ətraf rayonlarda fəaliyyət göstərir ki, həmin zona da yerli və xarici turistlər üçün cəlbedici sayılıb. İndi isə qonaqları Nazimin tüstüsü hürküdəcək. Bununla bağlı İsmayıllı 6 saylı Regional Ekologiya və Təbii Sərvətlər idarəsinin və Ekologiya və Təbii Sərvətlər Nazirliyinin də məsələyə münasibətini öyrənməyə çalışacağıq. (türkdünyası.az)
Xəbəri paylaş
