Qəzza zolağının humanitar yardım paylama mərkəzləri və bazarlarda ərzaq ehtiyatları tükənib.
Bu barədə Fələstin Qızıl Aypara Cəmiyyəti (PRCS) məlumat yayıb.
Məlumata əsasən, Qəzza zolağında ərzaqla bağlı vəziyyət indi "son 19 ayında ən ağırdır" və zəruri ərzaq ehtiyatları "həm bazarlarda, həm də humanitar yardım paylama mərkəzlərində tükənib".
"[Fələstin anklavının] əhalisi həddindən artıq aclıq təhlükəsi ilə üz-üzədir. 1 milyondan çox qaçqın və köçkün minimum gündəlik ərzaq ehtiyaclarını belə ödəyə bilmir", - deyə hesabatda bildirilib.
Təşkilat həmçinin öz ehtiyatlarının "tamamilə tükəndiyini" deyir və PRCS işçiləri indi qaçqınları ən azı az miqdarda qida ilə təmin etmək üçün ictimai mətbəxlərinə yalnız "çox məhdud miqdarda paxlalılar" paylaya bilərlər.
