Məşhur britaniyalı aktyor Benedikt Kamberbetç yeni filmdə tamamilə fərqli obrazda tamaşaçı qarşısına çıxacaq.
O, "Phoenician Scheme" adlı yeni qara komediya filmində rol alacaq.
48 yaşlı ulduz aktyor filmdə "Nubar" adlı obrazı canlandıracaq. Yeni filmdə aktyor ağ saçları, uzun saqqalı və qalın qaşları ilə diqqət çəkib.
Yaxın günlərdə təqdim ediləcək filmin rejissoru Ven Andersondur.
Aktyor daha əvvəl verdiyi müsahibəsində Andersonla əməkdaşlıq etmək istədiyini bildirib. "Niyə illərdir bu baş vermədi deyə düşünürdüm. Kaş bir zaman maşını olardı, keçmişə qayıdıb onunla əvvəlki filmlərdə də işləyə biləydim", – deyə o qeyd edib.
Filmdə Kamberbetç Skarlet Yohanssonla tərəf müqabilidir. Aktyor heyətinə Tom Henks, Villem Defo, İtan Houk, Riz Ahmed və Bill Mürrey kimi məşhur adlar daxil edilib.
