Rejissor Emin Muradova qarşı dələduzluq edilib.
OLAY yazır ki, bu barədə sənətçi özü məlumat yayıb. O bildirib ki, Süleyman Ağakişiyev adlı şəxs onun evinin təmirini öz öhdəsinə götürsə də, işləri yarımçıq qoyub, ümumi təmirin 30 faizini yerinə yetirib.
Muradovun iddiasına görə, S. Ağakişiyev tikinti materialları aldığı mağazaların da pulunu ödəməyib. Buna baxmayaraq, rejissor həmin şəxsə ümumulikdə 25 min manat ödəniş edib.
İşlər yarımçıq və yaxşı görülmədiyi üçün əlavə zərərə uğrayıb.
Ağakişiyevin fotosunu paylaşan rejissor polisə müraciət ünvanlayaraq bildirib ki, o, telefonlara cavab vermir və üzə çıxmır.
Həmin şəxsi öncədən tanıdığını vurğulayan E. Muradov Süleymanın həyat yoldaşının müğənnilik etdiyini, şou-biznes nümayəndəsi olduğunu desə də, xanımın adını açıqlamayıb.
