Futbol üzrə Braziliya millisinin və İspaniyanın “Barselona” klubunun sabiq futbolçusu Ronaldinyo Azərbaycana gəlib.
Ulduz futbolçu sosial media hesabında izləyicilərini Bakıdan salamlayıb.
Onun Bakıda keçirilən Birləşmiş Millətlər Təşkilatının İqlim Dəyişmələri üzrə Çərçivə Konvensiyası – COP29-da iştirak edəcəyi gözlənilir.
Sosial mediada yayılan COP29 iştirakçıları üçün hazırlanmış yaxa kartları (bəcik) arasında Ronaldinyo ləqəbi ilə tanınan braziliyalı futbolçu Ronaldo de Assis Moreyranın da fotosu yer alıb. Sözügedən kartın üzərində 12-15 noyabr tarixləri qeyd olunub.
