HƏMAS lideri Yəhya Sinvarın öldürülməsi ilə bağlı bir sıra detallar məlum olub.
İsrail Milli Məhkəmə Tibb Mərkəzi bildirib ki, Sinvar başından aldığı güllə yarasından ölüb.
Məlumata görə, Sinvarın bədənində başqa xəsarətlər aşkar edilib.
“Ölümün səbəbi başındakı yara olub. Ağır kəllə-beyin travması var”, - deyə Mərkəzin baş patoloqu Çen Kugel CNN-ə bildirib. Həmas liderinin sağ qolunda və döş qəfəsində qəlpə yaraları da aşkarlanıb. Onun ölümün təxmini vaxtı oktyabrın 16-sı axşamdır.
