Bu gün Azərbaycanda İlaxır çərşənbəsi qeyd olunur. Novruz çərşənbələrinin sonuncusu Torpaq çərşənbəsi, həmçinin “Yer çərşənbəsi” kimi də tanınır. Xalqımız bu günü xüsusi təntənə ilə qeyd edir. Üzərlik yandırılır, tonqallar alovlanır, qulaq falları qurulur. Axırıncı çərşənbə axşamı yalnız yaxşı sözlər danışılması adət hesab olunur. Qeyd edək ki, Azərbaycana yaz fəsli martın 20-si Bakı vaxtı ilə saat 07:06:21-də daxil olacaq. Martın 20-21-i ölkədə Novruz bayramı qeyd olunur. Region TV ailəsi olaraq, biz də, bütün və bütöv Azərbaycanımızın qalib xalqını səmimi qəlbdən təbrik edir, hər birinizə bol ruzi, əminamanlıq və sülh arzulayırıq.
