"Ukrayna yanvarın 24-ü Rusiya ilə hərbi əsir mübadiləsi aparmağa hazırlaşırdı".
Bunu Ukrayna Baş Kəşfiyyat İdarəsinin nümayəndəsi Andrey Yusov deyib.
O əlavə edib: "Bu günə planlaşdırılan mübadilə hələ ki, baş tutmur. Rusiyanın Belqorod vilayətində qəzaya uğrayan İl-76 hərbi təyyarəsinin göyərtəsində guya ukraynalı əsirlərin olması ilə bağlı iddiası hazırda Baş Kəşfiyyat İdarəsi tərəfindən yoxlanılır".
Ukrayna mətbuatı yazır ki, 8000-dən çox ukraynalı Rusiyada əsirlikdədir. Onların arasında mülki şəxslər də var. Bu günə kimi 49 mübadilə prosesində 2681-i hərbçi, 147-si mülki olmaqla 2828 nəfər evlərinə qaytarılıb, lakin daha on minlərlə həm mülki, həm də hərbi əsir itkin düşmüş şəxslər siyahısındadır.
