Özbəkistanın Hava Hücumundan Müdafiə Qüvvələri və Hərbi Hava Qüvvələri komandanlığına məxsus Mi-8 helikopteri noyabrın 17-də saat 20:15-də Səmərqənd vilayətindəki Kattakurqan poliqonunda təlim uçuşu zamanı qəzaya uğrayıb.
Bu barədə Müdafiə Nazirliyi məlumat yayıb.
İlkin məlumatlara görə, faciə nəticəsində helikopterin heyəti həlak olub.
Hadisə yerində qəzanın səbəblərini müəyyən etmək üçün xüsusi komissiya işləyir.
