Ermənistanın baş naziri Nikol Paşinyan Fransa prezidenti Emmanuel Makronla görüşdə müzakirə olunan məsələləri açıqlayıb.
Nikol Paşinyan bu barədə öz X səhifəsində yazıb.
O, Makronla söhbəti "gözəl" adlandırıb.
“Biz müstəsna dostluq münasibətlərinin dərinləşdirilməsi və Ermənistan-Fransa ikitərəfli gündəliyinin gücləndirilməsi, Aİ ilə əməkdaşlığı, eləcə də Cənubi Qafqazdakı vəziyyətlə bağlı məsələləri müzakirə etdik”, - Paşinyan bildirib.
Qeyd edək ki, noyabrın 9-da Ermənistan baş naziri Fransa prezidenti Emmanuel Makronla görüşüb. Noyabrın 10-da Nikol Paşinyan VI Paris Sülh Konfransının açılış mərasimində iştirak edib, daha sonra isə panel müzakirəsinə qatılacaq.
