“Bizim qarşımızda Qarabağdan ciddi məsələ - Naxçıvan məsələsi durur. Naxçıvanın yolu açılmayıb”.
Bunu Milli Məclisdə büdcə müzakirələri zamanı Fazil Mustafa deyib.
O, Naxçıvanda işsizliyib sürətlə artdığını bildirib:
“Heç bir zavod, fabrik fəaliyyət göstərmir. Əhalinin böyük əksəriyyəti Bakıda, İstanbulda məskunlaşıb. İşsiz əhalidən qaz, elektrik tariflərini Bakı ilə eyni məbləğdə alırlar. Bunu aşağı salmaq lazımdır. Təyyarə qiymətləri bahadır. Xəstələrin böyük əksəriyyəti orda müalicəsiz yaşayır. Xəstə və tələbələrin gedib-gəlməsi üçün imtiyazlar tətbiq olunmalıdır”.
