“Vətəni Qurtarma Hərəkatının üzvü olan 17 partiyanın tələblərinin əhəmiyyətli bir hissəsini bölüşürük: Ermənistan üçün həyati bir zərurət olan mövcud rejimin ləğvi”.RegionTv.info xəbər verir ki, bu fikirləri erməni filoloq, ədəbiyyatşünas Serj Srapionyan bildirib.
O qeyd edib ki, erməni ziyalıların nümayəndələri “Vətən səsi” təşəbbüs qrupunu yaradıblar. Məqsəd Nikol Paşinyan və komandasını hakimiyyətdən uzaqlaşdırmaqdır.
Serj Srapionyan vurğulayıb ki, burada partiya mənsubiyyəti, siyasət, hakimiyyət uğrunda mübarizə aparan əlaqəli adamlara yer yoxdur. “Belə ifadələr də yersizdir. Bu gün təəssüf ki, dövlətçiliyimizin varlığı sual altındadır”.
O deyib ki, əvvəlki illər olsaydı, siyasətə qarışmazdı. Amma indi vəziyyət tam başqadır: “Siyasət itkin düşmüş əsgərim kimi evimə girib. Mən Vətənin qurtuluşu üçün tökülən qandan bəhs edirəm. Hesab edirəm ki, bu, artıq geniş yayılmış siyasiləşmiş bir reallıqdır.Serj Srapionyan onu da qeyd edib ki, “Bizi fəlakət gözləyir, ziyalıların vəzifəsi insanlara bu fəlakətin əsl üzünü göstərməkdir”.
Bu gün ziyalılarımız siyasətlə məşğul olmadıqlarını bəyan edirlər. Amma bu, çox mülayim bir qiymətləndirmədir. “Domokl qılıncı” ölkəmin üstündə asılıb. Azərbaycanlıların hücumlarına qədər, ölkəmin sərhədləri təhlükə altında olana qədər siyasətə qarışmadım. İndi siyasətə qoşulmasam, özümü antimilli, antierməni ünsür hesab edərəm. Vətənim sabit təhlükəsizliyə, sabit sərhədlərə və firavanlığa çatana qədər siyasətlə məşğul olacağam”.
Təşəbbüs qrupunun nümayəndəsi, kinorejissor Samvel Tadevosyanın sözlərinə görə, incəsənət və mədəniyyət dövlət qurumlarının ayrılmaz hissəsidir, mədəniyyət işçiləri sadəcə ölkədə baş verən tədbirlərdə iştirak etmək məcburiyyətindədirlər.
“Hazırda vətənimizdə baş verən proseslərdən kənarda qalmaq haqqımız yoxdur. Bu, təşəbbüsümüzün əsas məqamıdır. Biz bu vəziyyətdən çıxmaq üçün təkliflərimizi, siyasi reseptlərimizi təqdim edəcəyik. Bu kurs siyasi bir kurs kimi qiymətləndirilə bilər, ancaq özümüz bilirik ki, heç bir başqa niyyətimiz yoxdur. Məqsədimiz birdir: qüvvələrimizi artırmaq, vəziyyəti yaxşılaşdırmaq, ölkəni bu vəziyyətdən çıxarmaq, bizi gözləyən təhlükəli nəticələrdən sığortalanmaq”, – deyə Samvel Tadevosyan vurğulayıb.Onun sözlərinə görə, bu proseslərdə iştirak etməmək, laqeydlik göstərmək ən azından xəyanətdir.
Kinorejissor daha sonra deyib: “Son hadisələr bizi təəccübləndirdi, çünki ölkənin Baş naziri 44 gün ərzində özünə tabe olmayan komandası ilə müharibədə məğlub oldu. Bu, bütün proqramın senarisinin kiçik bir hissəsi idi: əvvəlcə orduda, müxtəlif sahələrdə düşünülmüş bir plan həyata keçirmək üçün mənəviyyatsızlıq təmin edilməli idi. Əlbəttə, ilk növbədə, Qarabağ türklərə verilməli idi. Buna əməkdaşlıq deyərdim”.
