ABŞ prezidenti Co Bayden bildirib ki, humanitar yardım Qəzzaya kifayət qədər tez çatmır.
Onun sözlərini RİA Novosti sitat gətirir.
Jurnalistlərin sualına Bayden "kifayət qədər sürətli deyil",-deyə o bildirib.
ABŞ dövlət katibi Antoni Blinken bildirib ki, İsrail hökuməti fələstinli mülki əhalinin təhlükəsizliyini təmin etmək üçün bütün tədbirləri görməyə borcludur.
Vaşinqton nümayəndəsinin dediyi kimi, ilk növbədə, söhbət Qəzza zolağına su və ərzaq təchizatının bərpasından gedir. Bundan əlavə, ABŞ dövlət katibinin sözlərinə görə, Fələstin anklavının sakinləri dərman və digər humanitar yardımlara ehtiyac duyurlar.
Oktyabrın 24-də BMT-nin baş katibi Antonio Quterreş beynəlxalq ictimaiyyəti HƏMAS-ın İsrailə hücumunun boşluqda baş vermədiyini xatırlamağa çağırıb. Təşkilat rəhbərinin qeyd etdiyi kimi, Fələstin xalqı 56 ildir ki, işğal altında yaşayır.
İsrailin BMT-dəki daimi nümayəndəsi Gilad Erdan BMT-nin baş katibi Antonio Quterreşi istefaya çağırıb. Daimi nümayəndənin sözlərinə görə, Quterreş “uşaqları, qadınları və qocaları” qətlə yetirənlərə anlayış nümayiş etdirdiyi üçün BMT-nin rəhbəri olmağa “layiq deyil”.
