Bu ilin doqquz ayı ərzində AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu 8 068 yeraltı təkan qeydə alıb.
Mərkəzdən verilən məlumata görə, bunlardan 3 595-i Azərbaycan ərazisində qeydə alınan təkanlardır.
Qeyd olunub ki, bu ilin 9 ayında Azərbaycan ərazisində maqnitudası 3-dən böyük olan (ml≥3) 62 zəlzələ qeydə alınıb. Doqquz ay ərzində Azərbaycan və ona bitişik ərazilərdə ümumilikdə 28 hiss olunan təkan qeydə alınıb. 13 yeraltı təkan respublika ərazisində, 15 yeraltı təkan isə qonşu ölkələrin ərazilərdə baş verib.
