Bu gün Azərbaycan Premyer Liqasında V turun daha iki oyunu keçiriləcək.
Günün ilk görüşü Qəbələdə baş tutacaq. Burada xal üzünə həsrət “Qəbələ” lider “Zirə”ni qəbul edəcək.
Ardınca məğlubiyyət üzü görməyən “Sumqayıt” “Neftçi” ilə üz-üzə gələcək. “Kəpəz” – “Araz-Naxçıvan” və “Səbail”– “Qarabağ” görüşü isə sabah baş tutacaq.
Qeyd edək ki, turun açılış matçında “Turan Tovuz” səfərdə “Sabah”ı məğlub edib – 3:0.
