Braziliya Ali Seçki Şurası keçmiş prezident Jair Bolsonaronun 8 il seçkilərə qatılmasını qadağan edib.
Bolsonaro ötən il keçirilən prezident seçkilərində vəzifəsindən sui-istifadə etməkdə təqsirli bilinib.
Buna səbəb onun seçkilərdə istifadə edilən elektron seçki qutularının saxtakarlığa açıq olduğunu iddia etməsi olub.
Bolsonaronun vəkillərinin qərardan apellyasiya şikayəti verəcəyi gözlənilir.
Apellyasiya məhkəməsi qərarı dəyişməsə, Bolsonaro 2026-cı ildə keçiriləcək seçkilərə qatıla bilməyəcək.
