Kolumbiya hərbçiləri mayın 1-də cəngəllikdə qəzaya uğrayan təyyarənin göyərtəsində dörd uşağı sağ tapıblar.
KONKRET.az xəbər verir ki, bu barədə Prezident Qustavo Petro bildirib.
“Güclü axtarışlardan sonra Quaviarada təyyarə qəzasında itkin düşmüş dörd uşağı sağ-salamat tapdıq”, – prezident tviterdə yazıb.
Siyasətçinin sözlərinə görə, uşaqlar 16 gün cəngəllikdə olublar. Onların arasında 11 aylıq körpə də var.
Xatırladaq ki, mayın 1-də Kolumbiyanın Kaketa departamentində göyərtəsində yeddi nəfərin olduğu “Cessna 206” təyyarəsi qəzaya uğrayıb. Mayın 15-də hərbçilər meşədə təyyarənin qalıqlarını və 3 insan cəsədi tapıblar.
