"Millət vəkilləri Məhşur Məmmədov və Elnur Allahverdiyevlə, Fazil Mustafaya baş çəkdik".
RegionTV.info xəbər verir ki, bunu deputat Mahir Abbaszadə feysbuk səhifəsində yazıb.
"Həmkarımızın səhhəti yaxşılaşır, özünü getdikcə daha yaxşı hiss edir. Dəyərli həmkarıma Allahdan tezliklə şəfa tapmasını, öz işinin başına dönməsini arzuladıq!", - o qeyd edib.
Xatırladaq ki hadisə martın 28-i saat 21:51 radələrində paytaxtın Sabunçu rayonu, Zabrat-1 qəsəbəsi, Babək küçəsi ev 2 “Z” ünvanında qeydə alınıb. Belə ki, Milli Məclisinin deputatı Mustafa Fazil Qəzənfər oğluna yaşadığı evin qarşısında “Kalaşnikov” avtomat silahından atəş açılaraq terror aktı törədilib. Nəticədə F.Mustafa bədənin sağ çiyin qurşağını və sağ budun aşağı üçdəbirini dəlib keçən güllə yarası alıb. Ona zəruri tibbi xidmətlər göstərilib.
Xatırladaq ki, Daxili İşlər Nazirliyinin mətbuat xidmətindən verilən məlumata görə, Fazil Mustafaya qarşı cinayət hadisəsi ilə əlaqədar Daxili İşlər Nazirliyi, Dövlət Təhlükəsizliyi Xidməti və Baş Prokurorluğun birgə keçirdiyi əməliyyat-axtarış, əməliyyat-istintaq tədbirləri çərçivəsində dörd nəfər müəyyən olunaraq saxlanılıb.
