Hərbi müxbir Vladlen Tatarskinin qətlində şübhəli bilinən Sankt-Peterburq sakini, 1997-ci il təvəllüdlü Darya Trepova saxlanılıb.
RegionTV.info xəbər verir ki, bu barədə “İnterfaks” mənbəyə istinadən məlumat yayıb.
O, müstəntiqin yanına aparılıb. İstintaq hesab edir ki, Trepova kafeyə içində partlayıcı olan heykəlcik gətirib.
Qeyd edək ki, Rusiyanın Sankt-Peterburq şəhərində yerləşən Universitetskaya sahilindəki kafedə hərbi müxbir Vladlen Tatarski kimi tanınan Maksim Fominin yaradıcılıq gecəsi keçirilən zaman partlayış olub.
Belə ki, Vladlen Tatarskinin əlində ona hədiyyə olunmuş kiçik heykəl partlayıb. Nəticədə V.Tatarski həlak olub, 30 nəfər xəsarət alıb.
