Böyük Britaniya, Aİ, Kanada, İsveçrə, Yaponiya və ABŞ Federal Sisteminin mərkəzi bankları maliyyə böhranı şəraitində bazarda dollar vəsaitlərinin təklifini artırmaq üçün əlaqələndirilmiş tədbirlər haqqında razılığa gəliblər.
RegionTV.info xəbər verir ki, bu barədə tənzimləyicilərin bazar ertəsi yaydığı birgə məlumatda deyilir.
İlk dəfə olaraq Yaponiya və digər ölkələrin mərkəzi bankları 2008-ci ildə baş verən maliyyə böhranı zamanı əsas valyuta olan dolların təklifini koordinasiya ediblər.
Koronavirus pandemiyasının başlamasından dərhal sonra 2020-ci ilin mart ayında dollar fondu təkliflərini genişləndirmək üçün oxşar addımlar atılıb.
