Almaniyanın Karlsrue şəhərində aptekdə iki nəfəri girov götürən şəxs saxlanılıb.
RegionTV.info xəbər verir ki, bu barədə polis tviterdə məlumat yayıb.
Yerli vaxtla saat 21:10-da (Bakı vaxtı ilə saat 00:10) xüsusi təyinatlılar aptekə daxil olaraq həmin şəxsi yaxalayıblar.
"Hazırda binada axtarış aparılır", - polisdən bildiriblər.
İlkin məlumatlara görə, xəsarət alan yoxdur.
Qeyd edək ki, dünən səhər saatlarında naməlum şəxs Karlsruedə aptekdə insanları girov götürüb.
Almaniyanın Karlsrue şəhərində naməlum şəxsin iki nəfəri girov saxladığı aptekə taktiki geyimdə olan bir neçə polis məmuru hücum etməyə başlayıb.
RegionTV.info-nun xəbərinə görə, bu barədə “Reuters” hadisə şahidinə istinadən məlumat yayıb.
Məlumata görə, əməliyyat aparılan ərazidə partlayış səsləri eşidilir. Təfərrüatlar açıqlanmır.
Qeyd edək ki, naməlum şəxs aptekdə 2 nəfəri girov götürüb.
