Qazaxıstanın Sənaye və İnfrastrukturun İnkişafı Nazirliyinin (SİİN) Mülki aviasiya komitəsinin Türkmənistan tərəfi ilə birgə Qazaxıstan və Türkmənistan arasında hava əlaqəsinin bərpası məsələsi həllini tapıb.
RegionTV.info xəbər verir ki, bu barədə SİİN-in Mülki aviasiya komitəsinin mətbuat xidməti məlumat yayıb.
Bildirilib ki, “Türkmənistan” aviaşirkəti cari ilin martın 26-dan iki ölkə arasında müntəzəm sərnişin reyslərini bərpa etməyi planlaşdırır.
Qeyd olunub ki, uçuşlar Almatı-Aşqabad marşrutu üzrə həftədə 2 reys tezliyi ilə çərşənbə axşamı və cümə axşamı günləri “Boeing-737” təyyarələri ilə həyata keçiriləcək.
